ბელინგემი:„რეალი“ „ლივერპულთან“ ამას ვერ დაუშვებს“
ჯუდ ბელინგემმა „ლივერპულთან“ მატჩისწინა პრესკონფერენციაზე არაერთ საინტერესო შეკითხვას უპასუხა.
„ჩემი თანაგუნდელების აბსოლუტური ნდობა მაქვს და მივიჩნევ, რომ „ენფილდზე“ გამარჯვების მიღწევა შეგვიძლია. ჩვენ გუნდს სჭირდება 3 ქულა და ამისთვის ჩამოვედით.“
„თვითკრიტიკული ადამიანი ვარ. თუ ვერ ვთამაშობ, ამას ყველაზე კარგად მე ვხედავ და განვიცდი, პარერარულად კი ვეძებ გზებს, რომ საუკეთესო ფორმაში შევიდე. როდესაც გოლს ვერ ვიტან, ჩაგდებულ თამაშს არ ნიშნავს, რადგან ეს არ არის ჩემი პირდაპირი მოვალეობა.“
„საუკეთესო პოზიცია? ვფიქრობ, ეს არის მოედნის ცენტრალური ადგილები, სადაც თავისუფლება მაქვს მონიჭებული.“
„ანჩელოტი ყოველთვის ითხოვს გუნდისთვის თავგანწირვას, ჩვენ კი მის მითითებებს ვასრულებთ.“
„„რეალი“ კიდევ ერთ წაგებას ვერ დაუშვებს, ამიტომ მძიმე ამოცანის შესრულება და ინგლისში 3 ქულის მოპოვება მოგვიწევს.“
„ვფიქრობ, ევროპის ჩემპიონატის შემდეგ ღიმილი ცოტა დავკარგე, მაგრამ მას შემდეგ გავიდა დრო და საკლუბო ასპარეზს დავუბრუნდი, „რეალში“ ამის პრობლემა ნამდვილად არასდროს მქონია.“
„ტრენტთან ერთად თამაში? რა თქმა უნდა, მასთან ერთად ასპარეზობა მსიამოვნებს, თუმცა ინგლისის ნაკრებში. საკლუბო მიმართულებით რამის თქმა „ლივერპულის“ მიმართ უპატივცემულობა იქნება.“
„ანჩელოტის ყოველდღიურად ვესაუბრები და ვცდილობ, გუნდისთვის სასარგებლო საქმე ვაკეთო. ამ სეზონში სხვადასხვა პოზიციაზე თამაში რამდენჯერმე მომიწია, რადგან გუნდში ამის საჭიროება დადგა. იგივე გააკეთეს კამამ, ორელიანმა, ვალვერდემ და სხვებმა, ამაში გასაკვირი ნამდვილად არაფერია.“
„ვინისიუსის არყოფნა ჩვენთვის დიდი დარტყმაა. ბრაზილიელი ფეხბურთელი ჩვენთან ერთად ვერ წამოვიდა ლივერპულში, რის გამოც გულგატეხილია.“
„„ლივერპულთან“ მოლაპარაკებები „რეალში“ გადმოსვლამდე? ვფიქრობ, ყველაფერი ისე არ იყო, როგორც მედია ავრცელებდა, თუმცა მერწმუნეთ, როდესაც „რეალი“ კონტრაქტს გთავაზობს, სხვაზე ვეღარაფერზე იფიქრებ, ეს სულ სხვა დონე და განზომილებაა.“
„ოქროს ბურთი? ვფიქრობ, ეს ჯილდო მადრიდში უნდა წასულიყო, ყველაზე მეტად კი ვინისიუსი იმსახურებდა. აქვე დიდ პატივისცემსა ვაფიქსირებ როდრის მიმართ, რომელიც შესანიშნავი ფეხბურთელია.“
„გუნდი გაუმჯობესდა, როგორც ბურთთან ერთად, ასევე მის გარეშე თამაშის კომპონენტში. ჩვენ წინსვლას განვაგრძობთ.“
- 26 ნოემბერი 2024
- 1 087
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
