„მარკას“ ინფორმაციით, მარტინ სუბიმენდი მადრიდის „რეალის“ ხელმძღვანელობის ყურადღებას უფროდაუფრო იპყრობს.

„სოსიედადის“ ნახევარმცველი, რომელმაც ეროვნულ ნაკრებშიც დაიმკვიდრა ადგილი, ფლორენტინო პერესის დიდი სიმპატიებით სარგებლობს.

არსებული ინფორმაციით, სუბიმენდიმ „რეალის“ ინტერესის შესახებ უკვე იცის და სხვა კლუბებთან მოლაპარაკებები შეჩერებული აქვს.

„ბლანკოსის“ გარდა, მარტინის სამსახურით „ლივერპული“,  „ინტერი“, „ბარსელონა“, „„სიტი“ და სხვა კლუბები ინტერესდებიან.

„მარკას“ ვარაუდით, ტრანსფერის ჯამური ღირებულება დაახლოებით 55 მილიონი ევრო იქნება.