მადრიდის „რეალმა“ „ლეგანესთან“ გამარჯვებით ლა ლიგის ცხრილში მნიშვნელოვანი ცვლილებები შეიტანა.

მე-14 ტურის თავზე „ბლანკოსის“ აქტივში 30 ქულაა, თუმცა გუნდს ერთი შეხვედრა რეზერვში აქვს და პოტენციურად 33 ქულას ფლობს.

„ბარსელონასთან“ სხვაობა 4 ქულამდე შემცირდა, ხოლო თუ ანჩელოტის კოლექტივი „ვალენსიასაც“ დაამარცხება, კატალონიურ გუნდთან სხვაობის 1 ქულამდე შემცირების კარგი შანსი აქვს.

ასევე აღსანიშნავია, რომ გუნდში მნიშვნელოვნად გამოსწორდა გატანილი და გაშვებული გოლების ბალანსი.

ანჩელოტის გუნდმა 13 ჩატარებულ შეხვედრაში 28 გატანილ გოლს მოუყარა თავი, რაც იმას ნიშნავს, რომ საშუალო სტატისკის მიხედვით, გუნდი თითო შეხვედრაში 2.15 გოლს იტანს, ცოტა ხნის წინ კი ეს ნიშნული 1.8-ზე იყო ჩამოსული.