ანჩელოტი;„მბაპემ ჩემი დავალება არ შეასრულა“
კარლო ანჩელოტიმ „ლეგანესის“ დამარცხების შემდეგ პრესკონფერენცია გამართა.
„გუნდის თამაშით კმაყოფილი ვარ. გვქონდა ინტენსივობა, აგრესია, მეტი სისწრაფე და მობილურობა, რამაც სასურველიშ ედეგები მოიტანა.“
„მიხარია, რომ რაულ ასენსიო არასდროს ნერვიულობს, ის ახალგაზრდაა, თუმცა დამაჯერებლად თამაშობს და არ იბნევა.“
„კამავინგა საუკეთესო ფორმაშია, ტრავმის შემდეგ მან აღდგენითი პროცესი სწორად წარმართა და აქამდე მოვიდა.“
„არ არის გამორიცხული, ჩემპიონთა ლიგის მატჩისთვის ჩუამენი და ლუკას ვასკესი დაბრუნდნენ, თუმცა ჯერ ვერაფერს ვიტყვი.“
„ფედერიკო ვალვერდე ჩემი აზრით საუკეთესო მარჯვენა მცველია კარვახალისა და ლუკას ვასკესის შემდეგ. ურუგვაელმა იდეალურად ითამაშა და მცველის პოზიციისთვის შესაბამისი თვისებები გამოავლინა, ის ნამდვილი ლიდერია.“
„არდა გიულერმა გამარჯვებაში უდიდესი წვლილი შეიტანა, ის კრეატიული იყო, სიტუაციას ხშირად ამწვავებდა და გოლის გატანასთანაც იყო ახლოს, თუმცა მოწინააღმდეგე გუნდის მეკარემ შესანიშნავად ითამაშა.“
„მენდი? ეს სამწვრთნელო შტაბის გადაწყვეტილება იყო. შანსი ფრანს მივეცით, ფერლანი კი „ენფილდზე“ დაგვეხმარება.“
„„ოსასუნასთან“ შეხვედრაში 4 გოლი გავიტანეთ, დღეს 3 გოლი. ეს ბევრს ნიშნავს და გვაძლევს იმედს იმისა, რომ კიდევ შეგვიძლია მომატება.“
„ვინისიუსმა სანაკრებო შეკრებაზე უდიდესი ენერგია დახარჯა, ამას ემატება ხანგრძლივი ფრენები, სწორედ ამიტომ, ბრაზილიელს ცენტრში თამაში დავავალე, მბაპეს კი ფლანგზე. ვფიქრობ, გადაწყვეტილებამ გაამართლა.“
„კილიანს მეორე ტაიმში კიდევ ერთი გოლის გატანა დავავალე, თუმცა არ შეასრულა (იცინის). კმაყოფილი ვარ, ყველა ფეხბურთელის თამაშით.
„ნახევარდაცვაში პრობლემები არ გვაქვს. მოდრიჩი მოწოდების სიმაღლეზე დგას, შესანიშნავი იყო დანი სებალიოსი, რომელიც უზუსტეს გადაცემებს აკეთებდა. არ არის გამორიცხული, ფედემ „ლივერპულთანაც“ მარჯვენა მცველად ითამაშოს, რადგან ამ პოზიციაზე პრობლემა გვაქვს.“
- 25 ნოემბერი 2024
- 3 009
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
