სამეფო კლუბის ფეხბურთელები საწვრთნელ ბაზაზე შეიკრიბნენ. დაპირისპირების დაწყებამდე სულ რაღაც 3 საათი რჩება, გუნდი კი სამზადისშია.

თბილისის დროით 19:45 საათზე „ბლანკოსის“ ავტობუსი საწვრთნელი ბაზიდან „ლეგანესის“ სტადიონისკენ დაიძვრება.

ავტობუსით მგზავრობისთვის მაქსიმუმ 25 წუთია საჭირო, შესაბამისად, 20:10 საათზე გუნდი „ბუტარკეზე“ იქნება.

შეგახსენებთ, „ლეგანესისა“ და „ბლანკოსის“ დაპირისპირება სტარტს 21:30 საათზე აიღებს.

ანჩელოტი გუნდი გამარჯვების შემთხვევაში „ბარსელონასთან“ სხვაობას 4 ქულამდე შეამცირებს და 1 მატჩი დამატებით რეზერვში ექნება.