„მერენგების“ ვიცე-პრეზიდენტმა, პედრო ლოპესმა გენერალურ ასამბლეაზე დამსწრე პირებს სიტყვით მიმართა.

„მსურს გკითხოთ, დაფიქრებულხართ, რა გააკეთა მადრიდის „რეალმა“ ბოლო 10 წელიწადში.

„ფეხბურთში სიახლეების გამომგონებელმა და ნამდვილმა ოსტატმა ხოსეპ გვარდიოლამ ბოლო 10 წელიწადში მხოლოდ ერთხელ შეძლო ჩემპიონთა ლიგის მოგება. მას ჰქონდა უამრავი ფული, ჯანსაღი ეკონომიკა და ყველანაირი ხელშეწყობა.“

„უდიდესი ფინანსური რესურსი ჰქონდა მიუნხენის „ბაიერნსაც“, რომელიც ევროპის უდიდესი გრანდია, თუმცა ჩემპიონთა ლიგა ამ გუნდმაც ერთხელ მოიგო.“

„„პსჟ“-მ ტრანსფერებში კოლოსალური თანხები დახარჯა, გუნდში ერთობლივად ჰყავდა მესი, ნეიმარი და მბაპე, ასევე სხვა ვარსკვლავები, თუმცა საერთოდ ვერ შეძლო ჩემპიონთა ლიგის მოგება.“

„ამ დროს კი რა მოხდა მადრიდის „რეალში“? ბოლო 10 წელიწადში სამეფო კლუბმა 6-ჯერ მოიგო ჩემპიონთა ლიგა. რას ფიქრობთ, რაშია საქმე? დიახ, სწორედ მიხვდით, ეს არის კლუბი, რომელიც ყველაზე და ყველაფერზე მაღლა დგას და ამას ითავისებს ყველა, პრეზიდენტიდან დაწყებული, რიგითი ფეხბურთელით დამთავრებული. ეს არის მსოფლიო ფეხბურთის კლასიკა, რომელსაც ჰყავს საუკეთესო მმართველი ფლორენტინო პერესის სახით.“