გენერალურ ასამბლეა ფლორენტინო პერესმა ოქროს ბურთის დაჯილდოების ცერემონიალზეც ისაუბრა.

„სანამ შეფასებებს გავაკეთებ, პირველ რიგში მსურს დავაფიქსირო უდიდესი პატივისცემა, რომელიც როდრის და მისი კარიერის მიმართ მაქვს. ესპანელმა ფეხბურთელმა დაიმსახურა ოქროს ბურთი იმ საოცარი გამოსვლებისთვის, რომელიც წლების მანზილზე ჰქონდა, თუმცა არა ამ სეზონში, ვინაიდან გასულის სეზონის საუკეთესო ფეხბურთელი ვინისიუს ჟუნიორი იყო.“

„ღონისძიება ისტორიაში პირველად France Football-თან ერთად „უეფამ“ მოაწყო, ალბათ გასაგებია, რატომ განვითარდა მოვლენები ამგვარად.“

„არგუმენტები? ამ მაგალითების მიხედვით, ოქროს ბურთს დანიელ კარვახალი და ჯუდ ბელინგემიც იმსახურებდნენ.“

„სრული მხარდაჭერა უნდა გამოვუცხადო ვინისიუს ჟუნიორს, ცივილიზებული სამყაროს უდიდესი ნაწილი შეთანხმდა, რომ ბრაზილიელი ფეხბურთელი ოქროს ბურთს იმსახურებდა, მაგრამ „უეფას“ და France Football-ს შეუძლიათ აკეთონ ის, რაც სურთ. მხოლოდ ოქროს ბურთი არ არის სტატუსი. მერწმუნეთ, მთავარი ის არის, რომ მსოფლიოში საუკეთესო ფეხბურთი ითამაშო. ვინი ბევრჯერ გაიმარჯვებს, ამას კი ყველა ერთად ვნახავთ.“