გენერალურ ასამბლეაზე ფლორენტინო პერესი შეეხო ჩემპიონთა ლიგის ახალ ფორმატს და სუპერლიგის პროექტს.

„ჩემპიონთა ლიგაზე ახალი ფორმატი გვაქვს, რომელსაც ამ სეზონში მონაწილე გუნდები ცდიან. არავინ იცის, რა იქნება საუკეთესო გამოსავალი, თუმცა ფაქტი ის არის, რომ ფეხბურთელებს სერიოზული პროტესტი აქვთ, ტრავმების რაოდენობა კი რეკორდული ხდება, ეს ყველაფერი კი სწორედ გაზრდილი მატჩების რაოდენობის ბრალია.“

„ჩვენ გვჭირდება ხარისხიანი ფეხბურთი, სადაც ქომაგი სიამოვნებას იღებს. რაოდენობას არ აქვს მნიშვნელობა, როდესაც ხარისხი არ არის.“

„ვფიქრობ, ტოპ მატჩები ჩემპიონთა ლიგაზე მხოლოდ დასკვნით ეტაპზე იმართება, ეს კი ტურნირს უფერულს ხდის, ფეხბურთელების ტრავმები კი ტოპ მატჩების გამოტოვების რისკს ქმნის. გამახსენეთ, როდის ვეთამაშეთ ბოლოს მანჩესტერ „იუნაიტედს“, ან „არსენალს“, ანაც ინგლისურ ტოპ გუნდებს, რომლებიც ბერნაბეუზე ძალიან იშვიათად ჩამოდიან.“

„მოდით შევხედოთ, რამდენჯერ შეხვდნენ ერთმანეთს ნადალი და ფედერერი და როგორი ინტერესი გამოიწვიეს მათ, ჩვენ კი ვხედავთ უფერული საფეხბურთო მატჩების გაზრდილ რაოდენობას და დაკლებულ ინტერესს, რაც კლუბების ფინანსურ ინტერესსაც მნიშვნელოვნად აზიანებს.“

„ევროსასამართლოს გადაწყვეტილებამ ძალა შემმატა და ახლა ისეთი ოპტიმისტი ვარ, როგორც არასდროს. მე მჯერა, რომ ეს ბრძოლა დასრულდება გამარჯვებით და სუპერლიგის პროექტი დაიწყება, რაც ფეხბურთს გადაარჩენს, ეს საკითხი აუცილებლად უნდა გადაიჭრას. ვიცით, რომ იქნება ბრძოლა და ზეწოლა, მაგრამ ნებისმიერი მიმართულებით საბრძოლველად მზად ვართ, რადგან ვიცით, რომ ეს ფეხბურთს სჭირდება. ამ სპორტს განვითარება შეუძლია, პერსპექტივა არსებობს, ამიტომ მონოპოლიები უნდა დასრულდეს.“

„21 წლის ასაკში ჯუდ ბელინგემის აქტივში 251 ოფიციალური შეხვედრაა, როგორც კლუბებში, ასევე ნაკრებში, მაშინ როდესაც ამ ასაკში დევიდ ბექჰემს 54 დაპირისპირება ჰქონდა ჩატარებული. როგორ ფიქრობთ, რამე შეიცვალა? არაფერი! მხოლოდ ფეხბურთელის ფსიქოლოგიური და ფიზიკური ზეწოლა, რაც მოთამაშეს ტრავმის რისკს უზრდის, რესურსის გაზრდის საშუალებას კი არ აძლევს, ერთადერთი დადებითი მხარე მხოლოდ ისაა, რომ ჯუდი უფრო გამოცდილია, ვიდრე დევიდი 21 წლის ასაკში იყო.“