კატალონიის „ბარსელონას“ მთავარმა მწვრთნელმა „სელტასთან“ დაპირისპირების შემდეგ პრესკონფერენცია გამართა, სადაც კონკურენციაზეც ისაუბრა.

„როდესაც მოედანზე გადიხარ და 80% ან 90% იხარჯები, არ არის საკმარისი. საკმარისი მხოლოდ სრულფასოვნად დახარჯვა და შესაძლებლობების გამოვლენაა.“

„ძალიან მწყინს, რომ ვერ გავიმარჯვეთ, მაგრმა ყველაფერი ჩვენზეა დამოკიდებული. დროა, ვისაუბროთ შეცდომებზე და ყველაფერი გავაანალიზოთ.“

„ლა ლიგაში კონკურენტი მხოლოდ „რეალი“ არ არის, „ატლეტიკომაც“ საკმაოდ მოუმატა და ქულების დაგროვება დაიწყო.“

„ჩვენ ქულები დავკარგეთ, „რეალს“ კი ჩვენამდე მოსასვლელად კიდევ დიდი გზა აქვს გასავლელი, შესაბამისად, ქაოსი ვერ შეიქმნება.“

„თითქმის მოგებულ თამაშში 2 მნიშვნელოვანი ქულა დავკარგეთ.“

„ჩემპიონთა ლიგის დაპირისპირებაში ჩვენი განწყობა ნამდვილად არ გაფუჭდება.“