ესპანური გამოცემების ცნობით, ფლორენტინო პერესმა და მადრიდის „რეალის“ დირექტორთა საბჭომ გენიალური გადაწყვეტილება მიიღეს, რომელმაც კლუბს ყოველწლიურად 750 მილიონიდან 1 მილიარდ ევრომდე უნდა მოუტანოს.

ბერნაბეუს ტური მსოფლიოში ერთ-ერთი ყველა პოპულარული შეთავაზებაა, რომელსაც სამეფო კლუბი გულშემატკივრებს უზიარებს.

მადრიდის „რეალის“ მუზეუმში შესვლა ნებისმიერი მადრიდისტასთვის საოცარი ემოციების მომტანია და ცნობილია, რომ ყველა მადრიდისტა რამდენჯერაც არ უნდა მოხვდეს ესპანეთის დედაქალაქში, მაინც მიდის მუზეუმში და ათვალიერებს „რეალის“ საოცარ ტიტულებს, ეცნობა ისტორიას და ასე შემდეგ.

ახლა პერესის გეგმაა, რომ გააკეთოს „ტური ვალდებებასზე“, სადაც ქომაგებს შესაძლებლობა ექნებათ დაათვალიერონ სამეფო კლუბის სავარჯიშო ბაზა და ინფრასტრუქტურა, გასახდელი, საკონფერენციო და სამუშაო სივრცეები და ის ყოველდღიურობა, რაც მადრიდული გრანდის ფებხურთელებს აქვთ.

მოგეხსენებათ, „ვალდებებასის“ ბაზა არაერთ ფუნქციურ სივრცეს მოიცავს, რაც ქომაგების მხრიდან ძალიან დიდ ინტერესს იწვევს.

„რეალმა“ შესაძლოა ბერნაბეუს და ვალდებებასის ტური კომბინირებულად გაყიდოს და გულშემატკივარმა შედარებით ნაკლები ფასი მიიღოს, რაც გაყიდვების ხაზს უფრო ეფექტურს გახდის.

მადრიდში თვლიან, რომ პროექტის განხორციელებაში ინვესტიცია ყველა შემთხვევაში მოიტანს კოლოსალურ მოგებას, სწორედ ამიტომ, „რეალი“ ეცდება იდეა რეალობას უმოკლეს დროში აქციოს.