ედერ მილიტაოს ოპერაცია წარმატებით დასრულდა, დაახლოებით 10 დღეში კი ფეხბურთელი აღდგენით პროცესს დაიწყებს და ნაბიჯ-ნაბიჯ შეასრულებს გეგმას, რომელიც მას მოედანზე დააბრუნებს.

ესპანური გამოცემების ცნობით, მილის სურს, რომ 2025 წლის ივლისის ბოლო მწვანე მინდორზე დაბრუნება შეძლოს, რაც იმას ნიშნავს, რომ პრე-სეზონის ნაწილში მონაწილეობას მიიღებს და სეზონის სტარტს მომზადებული დახვდება.

მილის მსგავსი დაზიანება 1 წლის წინაც ჰქონდა და 7 თვეში მოახერხა მოედანზე დაბრუნება, რაც ნამდვილად იწვევს ოპტიმიზმის საფუძველს მოვლენების იგივე სცენარით განვითარებასთან დაკავშირებით.

ექიმები ყველაფერს გააკეთებენ სამხრეთ-ამერიკელი მოთამაშის რეაბილიტაციის დასაჩქარებლად, თუმცა აქ არის შემაფერხებელი ფაქტორიც, რომელიც მოკლე დროში ორ უმძიმეს დაზიანებას უკავშირდება, ამიტომ წინასწარი ვარაუდებისგან ყველა თავს იკავებს.