რონალდო ნაზარიომ განვლილი წლები გაიხსენა და ბევრ საინტერესო ფაქტს გაუსვა ხაზი.

„ჩემთვის, როგორც „ინტერი“, ასევე „ბარსელონა“, „რეალი“, „მილანი“ და სხვა გუნდები ისტორიის შემადგენელი ნაწილები არიან.“

„კარიერა, რომელიც „ინტერში“ მქონდა, მართლაც გარდამტეხი აღმოჩნდა, მაგრამ ტრავმების მხრივ ურთულესი პერიოდი გავიარე.“

„მიხარია, რომ ახლა „შავ-ლურჯებს“ სიმონე ინძაგი წვრთნის, რომელმაც გუნდს იდენტობა დაუბრუნა. ეს არის ზუსტი მექანიზმი, რომელიც გამოხატავს იტალიური კლუბის სტილს, მანერას და ისტორიას. ვფიქრობ, მილანელებს გაუმართლათ, რომ სიმონე მათთან მუშაობს.“

„როდესაც „ინტერში“ ვთამაშობდი, თითოეულ გოლს უდიდესი სიხარული მოყვებოდა, გამარჯვებას კი საოცარი ოვაციები.“

„რაც შეეხება „რეალს“, ამ გუნდში ყველაზე დიდი მოთხოვნებია და არსებობს სტანდარტი, რომელიც უნდა დაიცვა, სხვა შემთხვევაში, გუნდიდან გაგიშვებენ. მე ვიტანდი, მაგრამ ეს ჩვეულებრივი მოვლენა იყო, ისევე როგორც გამარჯვება, ვინაიდან სამეფო კლუბის ფანები მოედნის 3 ქულით დატოვებას მიჩვეულები იყვნენ.“

„კმაყოფილება „ბლანკოსში“ არ არსებობდა რაც ფეხბურთელებზე მაშინ ცუდად მოქმედებდა, თუმცა შემდეგ გავიდა რამდენიმე წელი, „მერენგებს“ სათავეში ჩაუდგა ჟოზე მოურინიო და დაიწყო აღზევების ეპოქა, რომელიც დღემდეც გრძელდება.“

„ის, რომ „რეალში“ ტიტულებით ვერ კმაყოფილდებიან, დღევანდელ ფეხბურთელებზე კარგად მოქმედებს, რადგან მათ იციან, რომ მუდმივად უნდა გაიმარჯვონ, თუმცა იმ ეპოქაში ასე არ იყო.“

„„მილანში“ გადასვლა? ეს იყო ბოლო ნაბიჯი, რის შემდეგაც ჩემმა კარიერამ დაღმასვლა დაიწყო და მივხვდი, რომ ეტაპობრივად მივდიოდი კარიერის დასრულებისკენ, თუმცა „ჯუზეპე მეაცაზე“ „როსონერის“ მაისურითაც ბევრი საინტერესო გოლის გატანა შევძელი.“

„ვამაყობ ჩემი კარიერით და მჯერა, რომ ბევრ ფეხბურთელს მივეცი მაგალითი.“