კორტეხანა:„რა საჭიროა ვირცი, როდესაც „რეალს“ ჰყავს არდა გიულერი“
მარიო კორტეხანამ „რეალის“ სატრანსფერო პოლიტიკაზე ისაუბრა.
„ჩემი აზრით, „რეალის“ მთავარი პრობლემა დაცვაა და გუნდმა არამხოლოდ ერთი, არამედ ორი ან სამი ფეხბურთელით უნდა გააძლიეროს უკანა ხაზი.“
„რესურსი საჭიროა, როგორც ფლანგებზე, ასევე ცენტრში, სწორედ ამიტომ, ფლორენტინო პერესს აქტიური მუშაობა მართებს.“
„ფლორიან ვირცთან დაკავშირებით ბევრი იწერება. ყველამ იცის, რომ „რეალს“ 100 მილიონ ევროზე მეტის გადახდა მოუწევს გერმანელი ფეხბურთელის სანაცვლოდ, მაგრამ ვერ ვხედავ საჭიროებას მაშინ, როდესაც გუნდს ჰყავს არდა გიულერი. დიახ, თურქი და ფლორიანი ერთი პოზიციის მოთამაშეები არიან.“
„თუ ანჩელოტი გიულერს დროს მისცემს და მოედნის ცენტრს აათვისებინებს, ის აუცილებლად დადებს შედეგს, რომელიც ძალიან დიდ წარმატებას მოუტანს მადრიდულ გრანდს.“
„ვფიქრობ, „რეალმა“ უკანახაზელებზე გაცილებით მეტი უნდა იფიქროს და იზრუნოს.“
- 18 ნოემბერი 2024
- 893
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
