ხუნი კალაფატი შაბათს ფლორენტინო პერესს შეხვდა და ახალ ბრაზილიელ ფეხბურთელთან დაკავშირებით დეტალური მოხსენება წარადგინა.

ვინისიუსის, მილიტაოს, როდრიგოს და სხვა არაერთი ტალანტის აღმომჩენი კალაფატი ფსონს კიდევ ერთ ბრაზილიელზე ჩამოდის.

ეს ფეხბურთელი 2006 წელს დაბადებული ვიტორ რეისია, რომელიც „პალმეირასში“ თამაშობს და არაერთი ევროპული გრანდის ყურადღებას იპყრობს.

გავრცელებული ცნობით, ბრაზილიელ ფეხბურთელს აკვირდებიან „იუვენტუსი“, „ინტერი“ და მადრიდული გრანდი.

ფლორენტინო პერესი ჯერ-ჯერობით ვერ რისკავს და მიიჩნევს, რომ გუნდს გამოცდილი მარჯვენა მცველი სჭირდება, თუმცა რეისზეც სერიოზულად მსჯელობს.

არსებული ცნობით, ბრაზილიელი მოთამაშის ფასი 10-იდან 15 მილიონ ევრომდე მერყეობს. ასევე აღსანიშნავია ფეხბურთელია უნივერსალობა, მას შეუძლია როგორც დაცვის ცენტრში თამაში, ასევე ეფექტურია მარჯვენა ფლანგზეც.

ახალგაზრდა მოთამაშეს „პალმეირასის“ არაერთ ასაკობრივ ჯგუფში აქვს ნათამაშები, ამ სეზონში კი მთავარი გუნდის წევრია.

იმ შემთხვევაში, თუ პრეზიდენტი პერესი ხუნი კალაფატს მწვანე შუქს აუნთებს, ის ბრაზილიაში გაემგზარვრება და მოლაპარაკებებს მოკლე დროში დაასრულებს.