იტალიური გამოცემების ცნობით, 2025 წლის ზაფხულში მადრიდის „რეალსა“ და „მილანს“ შორის მოლაპარაკებების წარმოება დაიწყება.

ტეო ერნანდესი მადრიდელებს კვლავ არ დავიწყებიათ. გუნდი მარცხენა მცველს ეძებს, უმთავრესი კანდიდატურა ალფონსო დეივისია, მაგრამ თუ კანადელთან ოფიციალური შეთანხმება ვერ შედგება, „ბლანკოსი“ ტეო ერნანდესისთვის ბრძოლაში ჩაერთვება.

იტალიური გამოცემების ცნობით, „როსონერი“ ბრაჰიმ დიასის დაბრუნებაზე ოცნებობს, მაგრამ მადრიდული გრანდი კოლოსალურ თანხას ითხოვს, რისი გადახდის საშუალებაც „მილანს“ არ აქვს.

სწორედ აღნიშნულიდან გამომდინარე, „მილანის“ ხელმძღვანელობა ტეო ერნანდესის ტრანსფერში ჩართვაზე ფიქრობს და მიიჩნევს, რომ თუ ტეოს დათმობს, „ბლანკოსი“ ბრაჰიმის გაშვებაზე სერიოზულად დაფიქრდება.