სერხიო რამოსთან დაკავშირებით მადრიდის „რეალში“ საკითხი ამოწურულია.

მიუხედავად იმისა, რომ დირექტორთა საბჭოში ლეგენდის დაბრუნებას არაერთი მხარდამჭერი ჰყავს, რამოსის იდეა არ მოსწონს ფლორენტინო პერესს და კლუბის გენერალურ დირექტორს.

„ბლანკოსში“ გათვლა გაკეთდება რაულ ასენსიოზე, იანვრის სხვა პოტენციურ ტრანსფერებსა და ასევე სხვა კანტერანოებზე.

„რეალში“ მიიჩნევენ, რამოსის დაბრუნება სწორი გადაწყვეტილება არ იქნება. მეტიც, დიდი ისტორია, რომელიც ესპანელმა უკვე დაწერა, ხელშეუხებელი უნდა იყოს.

კარლო ანჩელოტი სესიებზე დიდ ყურადღებას უთმობს კასტილიელ მცველებს და ეცდება, იდეალური გამოსავალი სწორედ მათში იპოვოს.