ესპანური გამოცემები ვიქტორ გიოკერეშს უკავშირებენ, როგორც „რეალს“, ასევე „ბარსელონას“ და „ატლეტიკოს“. შვედი ფორვარდის არნახულმა თამაშმა არაერთი გრანდი დააინტერესა.

გიოკერეშის ფასი კვირიდან კვირამდე იმატებს, თუმცა მხოლოდ TransferMarkt-ის მონაცემები საკმარისი არ არის.

შვედის ტრანსფერი მის ყოფილ მწვრთნელს სურს, რომელიც მანჩესტერ „იუნაიტედში“ მუშაობას უკვე შეუდგა. „ოლდ ტრაფორდელები“ გიოკერეშში 100 მილიონამდე გადახდას აპირებენ.

ამის პარარელურად ვრცელდებოდა ინფორმაციები, რომლის მიხედვითაც, სამეფო კლუბს შვედის შესაძლებლობები აინტერესებდა, მაგრამ როგორც ჩანს, ტრანსფერი არ შედგება.

მბაპეს, ვინისიუსი, როდრიგოს და ბელინგემის გუნდი არ აპირებს წინახაზელში კიდევ 100 მილიონის ან მეტის გადახდას.

ფლორენტინო პერესის პოზიცია ცალსახაა, ის აპირებს გუნდის დაცვისა და ნახევარდაცვის მნიშვნელოვან გაძლიერებას, რადგან თვლის, რომ ეს კომპონენტი ავტომატურად გააძლიერებს წინა ხაზის რესურსსაც.