ბრაჰიმ დიასი მაროკოს ნაკრებში შესანიშნავად გამოდის. 3 წუთის შუალედში მადრიდელმა ფეხბურთელმა 2 გოლის გატანა შეძლო და გუნდის წარმატებაში დიდი წვლილი შეიტანა. მადრიდელმა ფეხბურთელმა ჟურნალისტების შეკითხვებს უპასუხა.

„ახლა თავიდან ბოლომდე ნაკრებზე ვარ კონცენტრირებული, მაგრამ ვიცი, რომ ერთ კვირაში საკლუბო სეზონი განახლდება და „რეალში“ ძალიან მნიშვნელოვანი შეხვედრების ჩატარება მომიწევს.“

„იწყება ეტაპი, რომელმაც შესაძლოა გადამწყვეტი მნიშვნელობა იქონიოს. ჩვენ ყველაფერი უნდა გავაკეთოთ ლა ლიგის მატჩების ზედიზედ მოსაგებად, ჩემპიონთა ლიგაზე კი შეცდომის დაშვების უფლება აღარ გვაქვს.“

„ევროსარბიელზე „ლივერპულს“ უნდა ვესტუმროთ, რომელიც უდანაკარგოდ ასპარეზობს, „რეალი“ კი უნდა გახდეს კლუბი, რომელიც „ენფილდზე“ გაიმარჯვებს და ადგილობრივებს პირველ შეხვედრას წააგებინებს.“

„ის, რომ „ბარსელონასთან“ სხვაობის შემცირების კარგი შანსი მოგვეცა, გუნდს უფრო მოტივირებულს ხდის.“

„კატალონიურ მეტოქესთან სხვაობა 6 ქულაა, თუმცა „რეალს“ 1 მატჩი რეზერვში აქვს, რომლის მოგების შემთხვევაშიც, ვითარების მნიშვნელოვნად შეცვლაა შესაძლებელი.“

„კლუბში დაბრუნების შემდეგ მაქსიმალური ყურადღებით მომიწევს ვარჯიში, რადგან როგორც უკვე გითხარით, ძალიან მნიშვნელოვანი ეტაპი იწყება.“