ესპანური გამოცემების ცნობით, მადრიდის „რეალსა“ და ალფონსო დეივისს შორის 6 წლიან კონტრაქტზე სიტყვიერი შეთანხმება არსებობს.

პოპულარული მადრიდული გამოცემების ცნობით, კანადელი ფეხბურთელი „რეალთან“ ხელშეკრულებას ხელს იანვარში მოაწერს, კონტრაქტი კი ძალაში პირველი ივლისიდან შევა.

არსებული ცნობით, დეივისსა და სამეფო კლუბს შორის ყველა ფუნდამენტურ საკითხზე შეთანხმება მიღწეულია.

გარდა „ბლანკოსისა“, ალფონსოს დამატებაზე პრეტენზიას „ბარსელონა“, „არსენალი“ და მანჩესტერ „იუნაიტედი“ აცხადებდნენ, მაგრამ „ბაიერნის“ ვარსკვლავი ბერნაბეუზე თამაშს ირჩევს.