იტალიური გამოცემების ცნობით, მადრიდის „რეალის“ მთავარმა მწვრთნელმა სეზონის ბოლოს შესაძლოა ესპანეთი დატოვოს და სამუშაოდ იტალიაში დაბრუნდეს.

„მილანში“ ფონსეკას მუშაობით კმაყოფილები არ არიან. ვრცელდება ინფორმაცია, რომლის მიხედვითაც, თუ შედეგები რადიკალურად არ შეიცვლება, „როსონერი“ ამჟამინდელ მწვრთნელს კარისკენ მიუთითებს.

ასევე არსებობს დიდი ალბათობა იმისა, რომ კარლო ანჩელოტიმ მადრიდული გრანდი დატოვოს, „მილანი“ კი ამ მომენტით სარგებლობას გეგმავს.

„შავ-წითლები“ ლეგენდარულ მწვრთნელთან დაკავშირებას და მოლაპარაკებების წარმოებას აპირებენ, თუმცა ჯერ მოვლენების განვითარებას ელოდებიან.

თავის მხრივ, კარლო სამწვრთნელო კარიერის დასრულებაზეც ფიქრობს, „მილანი“ კი ამისთვის კომფორტული ადგილი იქნება.