მარიო ერმოსო მადრიდის „რეალის“ რადარზე ჯერ კიდევ 6 წლის წინ იყო, მაგრამ მაშინ შეთანხმება ვერ შედგა. საბოლოო ჯამში ესპანელმა მცველმა „ატლეტიკოს“ მიაშურა, ამ სეზონიდან კი „რომას“ სადარაჯოზე დგას.

ესპანური გამოცემების ცნობით, ფლორენტინო პერესი ზამთრის სატრანსფერო მარკეტზე მარიოს დამატების პერსპექტივასაც განიხილავს.

ერმოსო მადრიდელია, ის სწორედ მადრიდში დაიბადა და შესანიშნავად იცნობს ესპანეთის დედაქალაქის გარემოს. ის კასტილიას რიგებშიც თამაშობდა და სხვადასხვა ასაკობრივ ჯგუფშიც იყო.

არსებული ინფორმაციით, „რეალს“ ერმოსოს დამატება 18 მილიონი ევრო დაუჯდება, თავად ფეხბურთელს კი რა თქმა უნდა, სურს  ბერნაბეუზე თამაში.