სოციალური ქსელები, მადრიდის „რეალის“ ფან-კლუბები, ქუჩები, ჟურნალ-გაზეთები და ყველა ადგილი, სადაც შეიძლება სამეფო კლუბს ხმა მიაწვდინონ, სრულფასოვნად არის გამოყენებული იმისთვის, რომ ქომაგებმა ფლორენტინო პერესს რამოსის დაბრუნება აიძულონ.

მადრიდში შეიქმნა არაერთი მოძრაობა, გვერდი სოც.ქსელებში, ბანერები და ფოტოსურათები, სადაც ქომაგები გამალებით ითხოვენ ლეგენდის დაბრუნებას.

„რეალის“ ქომაგებს სჯერათ რამოსის და მისი ქარიზმის. ახლა „რეალს“ სწორედ მისნაირი ავტორიტეტის მქონე ფეხბურთელი სჭირდება, რომლის სიტყვასაც ძალიან დიდი მნიშვნელობა აქვს.

„მარკას“ ცნობით, „რეალს“ სერხიოზე საბოლოო უარი არ უთქვამს, მაგრამ ჯერ-ჯერობით ამ გადაწყვეტილების მიღებისგან თავს იკავებს.