ახალგაზრდა ასენსიომ ისტორიული შანსი მიიღო, რომელიც პირველ შეხვედრაში ნამდვილად გამოიყენა. უკანახაზელმა მატჩის შემდეგ ჟურნალისტებთან ისაუბრა.

„ამ დღის დადგომაზე წლების განმავლობაში ვოცნებობდი. ბერნაბეუზე გავედი და უდიდესი მუხტი მივიღე, დავიდემ და კარლომ კი მითხრეს, რომ არ მენერვიულა და თამამად მეთამაშა.“

„საგოლე გადაცემა ბელინგემს? დავინახე, რომ ის კარგი სისწრაფით მოძრაობდა, სწორედ ამიტომ, გრძელი გადაცემის გაკეთება გავრისკე. ეს მომენტი არასდროს დამავიწყდება.“

„პატარა ბიჭი აღარ ვარ და ვიცი, რომ ემოციებს აყოლა არ შეიძლება. მჯერა საკუთარი მიზნების და გეგმის. მთავარ გუნდში კიდევ ბევრი თამაშის ჩატარებას ვაპირებ.“

„დიდი მადლობა თანაგუნდელებს, რომლებმაც უდიდესი მხარდაჭერა გამომივხადეს, თავს ძალიან ბედნიერად ვგრძნობ.“

„როდესაც „რეალის“ აკადემიაში ხარ და პირველ ნაბიჯებს დგამ, ყოველთვის ფიქრობ მთავარ გუნდში თამაშზე. მე ეს შევძელი, რაც იმას ნიშნავს, რომ პრივილეგირებული ადამიანი ვარ. ახლა ჩემი მოტივაცია კიდევ უფრო დიდია.“