ლუკა მოდრიჩმა „ოსასუნასთან“ დაპირისპირება შეაფასა და გუნდში არსებული ვითარება მიმოიხილა.

„დარწმუნებული ვარ, ეს თამაში გარდატეხას შეიტანს ჩვენს ფსიქოლოგიაში და მომდევნო დაპირისპირებებში კიდევ უფრო კარგ ფეხბურთს ვაჩვენებთ. ბევრი ვიშრომეთ და შედეგიც სახეზეა, ეს ამბიციური გამარჯვება იყო, სადაც ქომაგებმაც უდიდესი სიამოვნება მიიღეს.“

„ასენსიო კარგი ახალგაზრდაა, ის ჩვენთან ერთად დიდი ხნის განმავლობაში ვარჯიშობდა და ვიცი, რა შეუძლია დაცვაში.“

„ჯუდი საოცარი იყო. ინგლისელი ფეხბურთელი მრავალმხრივია და გუნდს ყველგან ეხმარება. ბელინგემმა ეფექტური გოლის გატანა შეძლო და ამ სეზონში კიდევ ბევრჯერ მოახერხებს მეტოქის კარის აღებას.“

„101%-ით დარწმუნებული ვარ, რომ კილიანი მბაპე გაიბრწყინებს, მას გარკვეული დრო სჭირდება. ქაოსი, რომელიც შეიქმნა კილიანის ბრალი არ არის, უბრალოდ ხელახლა უნდა ვეცადოთ, სიტუაციის დალაგებას.“

„მილიტაოზე ყველა ძალიან ნერვიულობს. მას 9 თვე გაუცდა, შემდეგ კი დაბრუნდა და მოწოდების სიმაღლეზე იდგა, ახლა კი იგივე დაემართა. მილის გვერდით ვართ და გვჯერა, რომ ყველაფერს დაძლევს.“

„ანჩელოტი? ვერ გადმოვცემ სიტყვებით იმ საქმეს, რაც იტალიელს „რეალში“ აქვს გაკეთებული. მჯერა, კარლიტო კიდევ ბევრ ტიტულს მოუტანს მადრიდულ გრანდს.“