ჯუდ ბელინგემმა „ოსასუნასთან“ დაპირისპირება შეაფასა და განაცხადა, რომ „რეალი“ სწორედ ამ სტილში თამაშს აპირებს.

„„რეალმა“ პირველივე წუთიდან ეფექტური ფეხბურთი ითამაშა და მატჩის მიწურულამდე ძალიან ძლიერად უტევდა. სწორედ ასეთი თამაშია საჭირო იმისთვის, რომ გაიმარჯვო.“

„პირველ ტაიმში მთავარ მწვრთნელს სამი იძულებითი ცვლილების განხორციელება მოუხდა. ის, რაც მილიტაოს დაემართა მართლაც საშინელებაა, ჩვენ რესურსი იკლებს, მაგრამ შემართება იმატებს. შემდგომი გამარჯვებები სწორედ ედერს უნდა მივუძღვნათ, რომელსაც ახლა ფსიქოლოგიურად ძალიან უჭირს.“

„ამ სეზონში გაცილებით სხვა საქმეების გაკეთება მაქვს დავალებული, ვიდრე შარშან, სწორედ ამიტომ ნაკლებ გოლს ვიტან, თუმცა მიხარია, რომ ბერნაბეუზე აქტივი გავხსენი და მჯერა, მომდევნო მატჩებშიც შევძლებ მეტოქის კარის აღებას.“

„ყველა, ვინც ამ დიდებულ კლუბში თამაშობს, პრივილეგირებული ადამიანია. ბერნაბეუზე ოვაციები სულ სხვა განზომილებაა. ბედნიერი ვარ და მჯერა, რომ გულშემატკივრებს უდიდეს სიხარულს მივანიჭებთ.“

„ვინისიუს ჟუნიორი ნამდვილი ლიდერია, მასზე არასდროს მოქმედებს გარემო ფაქტორები. ვინის სჯერა საკუთარი ძალის და ვერავინ შეაჩერებს, ვინაიდან მისი მიზანი მუდმივი წინსვლაა.“