კარლო ანჩელოტიმ ჟურნალისტების ძალიან საინტერესო შეკითხვებს უპასუხა.

„მთელი ცხოვრება ფეხბურთს მივუძღვენი და ვიცი, რომ ადრე თუ გვიან დადგება დრო, როდესაც სამწვრთნელო კარიერასაც დაესმება წერტილი.“

„როდესაც სრულიად თავისუფალი ადამიანი გავხდები, ბევრს ვიმოგზაურებ მალდივებზე, ავსტრალიაში, ასევე სხვა ქვეყნები.“

„რა თქმა უნდა, მსურს, რომ ჩემპიონთა ლიგის ახალი ფორმატის ფარგლებშიც აღვმართო ეს საოცარი თასი.“

„ვარ თუ არა ბოლო 30 წლის საუკეთესო მწვრთნელი? თუ ამას ვინმე ამბობს, უკვე დიდი პატივია, თუმცა ასე არ არის. გავიხსენოთ ლობანოვსკი, გავიხსენოთ ფერგიუსონი, რომელიც ნამდვილი ლეგენდაა. საოცარი სპეციალისტია ხოსეპ გვარდიოლა, რომელსაც უდიდეს პატივს ვცემ.“

„„რეალთან“ ერთად მოგებული „ლა დესიმა“ საოცრება იყო. ზოგადად მაქვს რამდენიმე მნიშვნელოვანი თარიღი, ეს გახლდათ 2003 წლის „მილანი“, 2014 წლის საოცარი ფინალი და ასევე 2022 წელს, არნახული ბრძოლების შედეგად მიღწეული გამარჯვება ჩემპიონთა ლიგაზე.“

„ყველაზე დიდი შეცდომა, რომელიც „რეალში“ დავუშვი? ეს იყო 2014 წელს, როდესაც კლუბმა კონტრაქტის გახანგრძლივება შემომთავაზა, მე კი ხელფასის გაზრდა მოვითხოვე, რაზეც ვერ შევთანხმდით, საბოლოო ჯამში კი ხელმძღვანელობის პოზიციაც შეიცვალა და გუნდი დავტოვე. ამას ახლაც ვნანობ და მივიჩნევ, რომ გაუაზრებელი ქმედება იყო.“

„ვფიქრობ, ახალი თაობის პრობლემა ტელეფონებსა და გაჯეტებზე დამოკიდებულებაა. ეს ფეხბურთზეც აისახება. ბევრჯერ შევსულვარ გასახდელში და ყველას ტელეფონი ეჭირა ხელში, არ ვფიქრობ, რომ ეს კონცენტრაციისთვის კარგია.“

„მბაპე? ის ძალიან დიდი პროფესიონალია, რომელიც ადაპტაციას კარგად გადის. მერწმუნეთ, მალე ძალიან ბევრ გოლს გაიტანს.“