ტიერი ანრიმ მადრიდის „რეალში“ არსებული სიტუაცია შეაფასა.

„მბაპეს ბევრი აკრიტიკებს, მაგრამ მერწმუნეთ, ის ბევრს გაიტანს და გუნდს ბევრჯერ დაეხმარება. ფრანგთან დაკავშირებით ყველა პრობლემა მოიხსნება. აქ მთავარი ის არის, რას აპირებს ანჩელოტი ჯუდ ბელინგემთან და როდრიგო გოეშთან დაკავშირებით.“

„ჯუდის პოზიცია შეცვლილია, ის აღარ არის ისეთივე თავისუფალი, როგორიც შარშან იყო, როდრიგომ კი ფაქტობრივად სათადარიგო სკამზე გადაინაცვლა.“

„კილიანის ტრანსფერი „ბლანკოსში“ გარკვეულ ცვლილებებს გამოიწვევდა, მაგრამ ფაქტია, რომ ახლა გუნდი დალაგებული არ არის.“

„ძალიან დიდია კროოსის ფაქტორი. ეჭვი არ მეპარება, გერმანელი ფეხბურთელის გუნდში ყოფნის პირობებში, სიტუაცია ბევრად უფრო მარტივად დალაგებადი იქნებოდა.“

„2025 წლის ზაფხულის სატრანსფერო ფანჯრის დროს „რეალი“ ერთ ან ორ ნახევარმცველს დაიმატებს, ამის საჭიროება გუნდში ნამდვილად დგას.“