ლუკა მოდრიჩმა „უეფასთან“ ინტერვიუში გუნდში არსებული სიტუაცია მიმოიხილა.

„„რეალს“ არ აკლია ხარისხი. ჩვენს კლუბში უმაღლესი დონის ფეხბურთელები ირიცხებიან, მაგრამ აუცილებელია სიტუაციის შეცვლა. ყველაფერი ხელახლა უნდა დაიწყოს. უნდა დავივიწყოთ „ბარსელონასთან“ და „მილანთან“ მარცხი, ასევე უფერული სტარტი და ვიფიქროთ მომავალზე.“

„მთელი ამ წლების განმავლობაში ვამტკიცებდით, რომ ერთი დიდი ოჯახი ვართ. სიტუაცია არ შეცვლილა, გუნდს ჰყავს საოცარად მეგობრული მწვრთნელი, რომელმაც იცის, როგორ გადაჭრას პრობლემები.“

„12 წელია „რეალში“ ვთამაშობ, ამ ხნის განმავლობაში არაერთი კრიზისი გამივლია, მაგრამ ჩვენ ყოველთვის ვპოულობდით გამოსავალს. ეს მადრიდის „რეალია“, სადაც ყოველთვის მაქსიმუმს გთხოვენ. მჯერა, რომ შეგვიძლია პრობლემების მოგვარება.“

„მეტი გუნდურობა და ხარისხიანი ფეხბურთის ჩვენება გვმართება, ამისთვის კი კიდევ უფრო მეტი მუშაობაა საჭირო.“