ესპანური გამოცემების ცნობით, მომდევნო 3-4 კვირაში ნაჩვენები შედეგები კარლო ანჩელოტის მომავალს გადაწყვეტს.

თუ გუნდში არსებული კრიზისი დროულად არ დასრულდება და კლუბში სიტუაცია კიდევ უფრო გართულდება, იტალიელს კარისკენ მიუთითებენ.

არსებული ცნობით, დროებითი მწვრთნელის პოზიციაზე რაულ გონსალეს ბლანკო და სანტიაგო სოლარი განიხილებიან.

ელ კაპიტანოსთვის ეს ისტორიული შანსი იქნება, სოლარიმ კი გუნდი რამდენიმე წლის წინაც ჩაიბარა, როდესაც გუნდიდან ხულიენ ლოპეტეგი გაუშვეს.

ამასთანავე „მარკა“ იუწყება, რომ ანჩელოტი ახლა არანაირ ზეწოლას არ გრძნობს და გუნდისგან მხარდაჭერა აქვს, თუმცა გამოცდილი სპეციალისტიც აანალიზებს, რომ თუ რამეს არ შეცვლის, გუნდი მძიმე მდგომარეობაში ჩავარდება.