ემილიო ბუტრაგენიომ „რეალისა“ და „მილანის“ დაპირისპირების შემდეგ ჟურნალისტებთან ისაუბრა.

„პირველ რიგში მსურს, კიდევ ერთხელ დიდი მხარდაჭერა გამოვუცხადო ოჯახებს, რომლებმაც უდიდესი ზიანი მიიღეს ვალენსიაში მომხდარი ტრაგეგიის გამო. ბერნაბეუს წუთიერი დუმილი მნიშვნელოვანი იყო.“

„ჩვენ ბევრი ვიშრომეთ, მაგრამ ვერ გავიმარჯვეთ, „მილანს“ კი ყველაფერი გამოუვიდა, სწორედ ამიტომ, იტალიელებს მორიგი 3 ქულა უნდა მივულოცოთ.“

„ახლა ერთიანობის, შეცდომების გაანალიზების და სიტუაციის შეფასების დროა. მჯერა, რომ ფეხბურთელები თამაშის ხარისხს მნიშვნელოვნად გააუმჯობესებენ.“

„მბაპეს მომენტები ექმნება, მაგრამ მეტოქის კარის აღებას ვერ ახერხებს, ზოგიერთ შემთხვევაში იღბალი მართლაც არ არის მის მხარეს.“

„როდესაც სიტუაცია არ არის იდეალური, აუცილებელია სიმშვიდის შენარჩუნება. ნუ დაგავიწყდებათ, რომ ამ ფეხბურთელებმა რამდენიმე თვის წინ ესპანეთის ჩემპიონატი და ჩემპიონთა ლიგა მოიგეს.“