კარლო ანჩელოტიმ „მილანთან“ მარცხის შემდეგ პრესკონფერენცია გამართა და გუნდში არსებული სიტუაცია შეაფასა.

„კვლავ ცუდი თამაში ჩავატარეთ. შეტევაში არაფერი გამოგვდიოდა, დაცვაში კი არაერთი პრობლემა გვქონდა. ეს ნამდვილად არ იყო ჩვენი მაქსიმუმი და ვეცდებით, რომ სიტუაცია შევცვალოთ.“

„ჩუამენის მიმართ პრეტენზიები არ მაქვს, შეცდომები მხოლოდ მას არ დაუშვია, ეს კოლექტიური პრობლემები იყო.“

„ვალვერდე იმიტომ შევცვალე, რომ წინა დღეებში ზურგზე დისკომფორტი ჰქონდა. როდესაც პირველი ტაიმი დამთავრდა, ურუგვაელს კვლავ ჰქონდა დისკომფორტი, სხვა მიზეზი არ არსებობს.“

„ფედეს მეუღლის განცხადება სოციალურ ქსელში მის პოზიციასთან დაკავშირებით? ნებისმიერ ადამიანს აქვს უფლება, საკუთარი აზრი გამოხატოს.“

„ბოლო 3 თამაშში გუნდმა 9 გოლი გაუშვა, ეს ძალიან ცუდი შედეგია.“

„ინდივიდუალურ დონეზე ფეხბურთელებს არანაირი პრობლემა არ აქვთ, აქ მთავარი კოლექტიური პრობლემაა, რომელიც სასწრაფოდ უნდა გადავჭრათ.“

„უნდა ვიპოვო საუკეთესო გადაწყვეტილებები და შევცვალო გუნდის თამაში. მართლაც კრიზისული პერიოდია და პასუხისმგებლობის საკუთარ თავზე აღება  მომიწევს.“

„ყველაზე რთული მომენტი მას შემდეგ, რაც დავბრუნდი? არ ვფიქრობ, რომ ასეა, თუმცა ერთ-ერთი რთული მომენტი ნამდვილად არის. 2021 წლიდან მოყოლებული ხშირად შეგვქმნია პრობლემები, მაგრამ პროფესიონალიზმიც სწორედ ეს არის, ჩვენ არაფერს შევუშინდებით და ყველა ტიტულისთვის ვიბრძოლებთ.“

„ყველა ფეხბურთელს ვუთხარი, რომ წარუმატებელი სერია უნდა დასრულდეს, ჩვენ  ქულების დაკარგვა, არც ჩემპიონთა ლიგაზე გვეპატიება და არც  ლა ლიგაში.“