„მილანის“ მთავარმა მწვრთნელმა, პაულო ფონსეკამ „რეალთან“ შეხვედრის წინ პრესკონფერენცია გამართა.

„პირველ რიგში, მსურს დიდი მხარდაჭერა გამოვუცხადე ვალენსიელ ხალხს. ეს იყო საშინელი ტრაგედია, რამაც შემძრა. იტალიაში მსგავსი რამ მომხდარა და ვიცი, რამდენად მძიმეა ეს დაზარალებული ადამიანებისთვის. ყველა ერთად უნდა დაუდგეს ამ პრობლემას წინ და მხარდაჭერა გამოუცხადოს დაზარალებულ ოჯახებს.“

„„რეალთან“ მატჩის წინ დიდი მოტივაცია გვაქვს. თუ გავიმარჯვებთ, გამოვალ და ვიტყვი, რომ ტურნირის მთავარი ფავორიტი დავამარცხეთ. სამეფო კლუბი ყოველ წელს მთავარი ფავორიტია.“

„ეს ჩვენთვის კიდევ ერთი შანსი იქნება იმისა, რომ ვაჩვენოთ ღირებულებები და რეალური შესაძლებლობები.“

„ბერნაბეუზე შეხვედრა მარტივი არცერთი გუნდისთვის არ არის, მაგრამ გვჯერა, რომ წარმატება სავსებით შესაძლებელია, ამისთვის კი ტაქტიკურად სწორი თამაში უნდა ჩავატაროთ.“

„მადრიდულ გუნდს ევროტურნირზე ყველაზე მეტი თასი აქვს მოგებული, „მილანი“ კი ამ მხრივ მეორე ადგილზეა. ვეცდებით, ძალიან ღირსეულად ვითამაშოთ.“