ლუკას ვასკესმა „მილანთან“ შეხვედრის წინ პრესკონფერენცია გამართა.

„პირველ რიგში მსურს დიდი მხარდაჭერა გამოვუცხადო ვალენსიელ ხალხს. ვამაყობ არაერთი ესპანელით, რომელმაც დაზარალებულებს არნახული მხარდაჭერა და სოლიდარობა აჩვენა. მჯერა, რომ ყველაფერი მალე დაუბრუნდება კალაპოტს, ეს მნიშვნელოვანია ჩვენი ქვეყნისთვის.“

„როდესაც ქალაქებში ტრაგედია ტრიალებს, ფეხბურთზე ფოკუსირება მარტივი არ არის, მაგრამ უნდა ვეცადოთ, რომ გავიმარჯვოთ.“

„რა თქმა უნდა, ვეთანხმები ანჩელოტის, როდესაც ამბობს, რომ ლა ლიგის წინა ტური საერთოდ უნდა გაუქმებულიყო, მაგრამ ჩვენ არ გვაქვს არანაირი ბერკეტი და ამაზე ვერაფერს ვიტყვი.“

„ახლა მაქსიმალურად უნდა ვეცადოთ, კონცენტრაცია გვქონდეს და „როსონერისთან“ შეხვედრას მოწოდების სიმაღლეზე შევხვდეთ.“

„სატურნირო ცხრილში კიდევ უფრო გაუმჯობესებული შედეგები უნდა დავაფიქსიროთ, ამისთვის კი 3 ქულის მოპოვებაა საჭირო.“

„პირად დონეზე თავს კარგად ვგრძნობ. ვიცი, რომ დანიელ კარვახალს შეცვლა მარტივი არ არის, მაგრამ მაქსიმალურად ვიხარჯები. დანი ქარიზმატული ფეხბურთელია, რომელიც უდიდეს ავტორიტეტს ფლობს, როგორც მწვანე მინდორზე, ასევე გასახდელში.“