კარლო ანჩელოტიმ „მილანთან“ მატჩის წინ პრესკონფერენცია გამართა.

„დღეს რთულია ფეხბურთზე საუბარი, რადგან ვალენსიაში ნამდვილი ტრაგედია დატრიალდა. ვფიქრობ, ლა ლიგის წინა ტური უნდა გაუქმებულიყო. ჩვენ მხარდაჭერას ვუცხადებთ ადამიანებს, რომლებიც ძალიან დაზარალდნენ. ეს ურთულესი აღსაქმელი იყო.“

„პროფესიონალები ვართ და ვიცით, რომ ჩემპიონთა ლიგის დაპირისპირება ვერ გადაიდება. ახლა მზად ვართ, სათამაშოდ და 3 ქულის მოსაპოვებლად.“

„ოქროს ბურთი? „რეალმა“ მაშინ მოიგო ოქროს ბურთი, როდესაც ჩემპიონთა ლიგის ფინალში საფინალო სასტვენი გაისმა.“

„ვულოცავ როდრის ოქროს ბურთის მოგებას.“

„ვერაფრით წარმოვიდგენდი, რომ 2024 წელს ასეთი ტრაგედია შეიძლება სადმე დატრიალებულიყო. ეს ჩემთვის ძალიან მძიმე იყო. ვალენსიელებს კიდევ ერთხელ მხარდაჭერას ვუცხადებ.“

„ვინისიუსი ოქროს ბურთს მოიგებს, ამის პირობას გაძლევთ.“