ესპანური გამოცემების ცნობით, დავიდ ალაბას საქმე ცუდად არის. ავსტრიელმა ფეხბურთელმა მორიგი სამედიცინო შემოწმება გაიარა, რომელმაც აჩვენა, რომ თვენახევრის წინ ჩატარებული კვლევების შემდეგ პროგრესი მაქსიმუმ 2%-ია, გეგმის მიხედვით კი 10%-ზე მეტი უნდა ყოფილიყო.

ეს იმას ნიშნავს, რომ დავიდის მოედანზე დაბრუნება მიმდინარე წელს 100%-ით გამოირიცხა.

ანჩელოტიმ უკვე იცის, რომ ალაბას გამოყენებას კიდევ მინიმუმ 2-3 თვის შემდეგ ვერ შეძლებს.

ამასთან ერთად, მოედანზე დაბრუნების შემდეგ, დავიდს 4-6 კვირა დასჭირდება იმისთვის, რომ ტემპი დაიბრუნოს და ადაპტირდეს, ეს კი იმას ნიშნავს, რომ  დავიდისთვის სრულფასოვანი თამაში მინიმუმ მარტის ბოლომდე იქნება შეუძლებელი.

„მარკას“ ინფორმაციით, ფლორენტინო პერესი ალაბას მდგომარეობასთან დაკავშირებით ინფორმირებულია, დირექტორთა საბჭო კი ზამთრის სატრანსფერო მარკეტზე მცველის დამატებას ითხოვს.