გუშინ ოფიციალურად გახდა ცნობილი, რომ მარსელო ვიეირასა და „ფლუმინენსეს“ შორის კონტრაქტი ვადაზე ადრე შეწყდა.

„რეალის“ ლეგენდა ამ ეტაპზე უკლუბოდ არის დარჩენილი, ესპანელი გამოცემები კი იუწყებიან, რომ მარსელომ შესაძლოა საფეხბურთო კარიერა დაასრულოს.

ამის პარალელურად, მადრიდის „რეალმა“ ექს კაპიტანს უკვე შესთავაზა კლუბის მენეჯმენტში დასაქმება. არაოფიციალური ინფორმაციით, ფლორენტინო პერესი ვიეირას რობერტო კარლოსთან ერთად მუშაობას სთავაზობს.

იმ შემთხვევაში, თუ ბრაზილიელი პროფესიონალურ საფეხბურთო კარიერას აღარ გააგრძელებს, მადრიდული გრანდის კარი მისთვია ღიაა.