ესპანური გამოცემების ცნობით, მადრიდის „რეალის“ ლეგენდა სერხიო რამოსი კარიერის არგენტინის ჩემპიონატში გაგრძელებასთან ერთ ნაბიჯშია.

ლეგენდას ასევე ლეგენდარული კლუბი - „ბოკა ხუნიორსი“ ეპატიჟება.

არსებული ცნობით, „ბოკა“ მზად არის, რამოსთან სეზონის ბოლომდე ითანამშრომლოს, თუმცა შეთანხმების შემთხვევაში, რამოსს მცირე შემოსავალზე მოუწევს თანხმობის თქმა.

რამოსს წლიურად მხოლოდ 1.2 მილიონ ევროს სთავაზობენ.

არსებული ცნობით, შეთანხმების ალბათობა დიდია და რამოსი არგენტინასთან 1 ნაბიჯშია.