გუშინ საღამოს, მადრიდის „რეალის“ ფეხბურთელებმა, სამწვრთნელო შტაბთან ერთად რესტორანში ივახშმეს.

შეკრება მიეძღვნა სამომავლო გეგმების განხილვას, იდეების გაცვლას, ფსიქოლოგიურ მუხტს და ფეხბურთელების ხედვების ერთმანეთთან გაზიარებას.

ვახშამი გვიანობამდე არ გაგრძელებულა, რადგან კოლექტივს დღეს ვარჯიში ჰქონდა ჩანიშნული.

არსებული ცნობით, „ელ კლასიკოს“ წაგებამ და ვინისიუს ჟუნიორის ირგვლივ განვითარებულმა მოვლენებმა, კლუბში განსაკუთრებული ერთიანობა შექმნა და ეს მომდევნო მატჩებში უნდა გამოჩნდეს.

„ბლანკოსი“ ახლა „მილანთან“ შეხვედრისთვის ემზადება, მადრიდისტებს კი ეჭვი არ ეპარებათ, რომ ანჩელოტის გუნდი „როსონერისთან“ დამაჯერებლად მოიგებს.