ბრაზილიის ნაკრებმა ნოემბრის შეკრების განაცხადი გამოაქვეყნა, სადაც მადრიდის „რეალის“ 3 ფეხბურთელი მოხვდა. აღსანიშნავია, რომ ეროვნულ გუნდს არ დაეხმარება ენდრიკ ფელიპე.

ბრაზილიელთა რიგებს ვინისიუს ჟუნიორი, როდრიგო გოეში და ედერ მილიტაო გააძლიერებენ.

ეროვნული ნაკრების მწვრთნელმა ასევე ისაუბრა, რატომ არ ითამაშებს ენდრიკ ფელიპე ნოემბრის შეკრებაზე. მთავარი მიზეზი კლუბში სათამაშო დროის ნაკლებობაა.

ბრაზილიის ნაკრები 14 ნოემბერს ვენესუელას შეხვდება, 19 ნოემბერს კი ურუგვაის.