მადრიდის „რეალის“ ფეხბურთელებმა დღეს კიდევ ერთი ვარჯიში გამართეს. „ვალენსიასთან“ შეხვედრა გადაიდო, ფეხბურთელები კი ჩემპიონთა ლიგაზე გადაერთნენ.

გახურებისა და ფიზიკურ კონდიციებზე ზრუნვის შემდეგ „მერენგებმა“ დიდი ყურადღება დაუთმეს ბურთის ფლობის კომპონენტს, მოკლე სივრცეში ზუსტ თამაშს, პრესინგს და ტაქტიკურ მონახაზებს.

ფედერიკო ვალვერდე მხოლოდ სატრენაჟორო დარბაზში ვარჯიშობდა.

როდრიგო, კურტუა და დავიდ ალაბა ინდივიდუალური პროგრამით ემზადებიან, დანიელ კარვახალის აღდგენითი პროცესი კი გრძელდება და ამას ძალიან დიდი დრო დასჭირდება.