„ბარსელონასთან“ კატასტროფულად წაგებულმა „ელ კლასიკომ“ და ოქროს ბურთის დაჯილდოებაზე განვითარებულმა მოვლენებმა „რეალში სიტუაცია მნიშვნელოვნად შეცვალა.

გუნდი ახლა ძალიან ერთსულოვანია და ეს მომდევნო დაპირისპირებებში კარგად უნდა გამოჩნდეს.

ვინისიუს ჟუნიორს მთელი გუნდი, მათ შორის სამწვრთნელო შტაბიც დიდ მხარდაჭერას უცხადებს.

ურთულესმა პერიოდმა ფეხბურთელებში გარდატეხა მოახდინა და ამას იტალიელი სპეციალისტი სათავისოდ გამოიყენებს.

მოთამაშეები „ვალენსიასთან“ დაპირისპირებას მოუთმენლად ელოდნენ, თუმცა განვითარებული მოვლენების გამო შეხვედრა გადაიდო, „ბლანკოსის“ მიზანი კი „მილანის“ დამარცხება გახდა.

5 ნოემბერს ანჩელოტის ამჟამინდელი გუნდი, ყოფილ კოლექტივს უმასპინძლებს, ფეხბურთელები კი საკუთარი ხასიათის გამოვლენას შეეცდებიან.