ესპანური გამოცემების ცნობით, ფლორენტინო პერესს კარლო ანჩელოტისთან შეხვედრა ჰქონდა და საკუთარი ხედვები გააცნო.

არსებული ცნობით, პრეზიდენტმა კარლო ანჩელოტის არდა გიულერისა და ენდრიკ ფელიპეს ფუნქციის მნიშვნელოვანი ზრდა თხოვა, იტალიელმა კი უთხრა, რომ ამისთვის დროა საჭირო, ფლორენტინო კი რადიკალურად განსხვავებულ პოზიციაზეა.

პრეზიდენტმა კარლოს „ბარსელონას“ მაგალითის აღება თხოვა. ლამინე იამალი, კუბარსი და სხვები ენდრიკსა და გიულერზე დიდები არ არიან, მაგრამ მოწოდების სიმაღლეზე დგანან.

ფლორენტინო ასაკში პრობლემას ვერ ხედავს და მიიჩნევს, რომ „რეალს“ არსებული პრობლემების ფონზე გიულერისა და ენდრიკის რესურსი ძალიან დაეხმარება.

სეზონის სტარტიდან დღემდე თურქსა და ბრაზილიელს ღირებული არაფერი გაუკეთებიათ, მთავარი მიზეზი კი სათამაშო დროის სიმწირეა.