იმ შემთხვევაში, თუ მადრიდის „რეალი“ ტრენტ ალექსანდერ არნოლდთან შეთანხმებას ვერ მიაღწევს, კლუბი მთელ რესურსს პედრო პოროზე მიმართავს.

ესპანელი მარჯვენა მცველი, რომელიც „ტოტენჰემში“ თამაშობს, საკმაოდ სტაბილურია და ყველას აჩვენებს, რომ კიდევ უფრო მომატებაც შეუძლია.

პედრო პოროს მიმართ ინტერესს „რეალის“ გარდა სხვა კლუბებიც იჩენენ, თუმცა მადრიდში ეჭვი არავის ეპარება, რომ რეალური შეთავაზების შემთხვევაში, პედრო სხვა კლუბს არ აირჩევს.

პოროს „ტოტენჰემის“ რიგებში ამ სეზონში მატჩების 100% აქვს ჩატარებული და შეუცვლელად თამაშობს, ის დატვირთვებსაც შესანიშნავად უძლებს და ლონდონური კლუბის ლიდერადაც იქცა.

მოქმედი კონტრაქტი, რომელიც ესპანელს „ტოტენჰემთან“ აქვს, 2028 წლის 30 ივნისამდეა ძალაში, მის სატრანსფერო ღირებულებად კი 45 მილიონი ევროა განსაზღვრული.