რა მოხდა ოქროს ბურთის დაჯილდოებაზე? დიდი რეპუტაციული ზიანი!
მსოფლიო ფეხბურთის ლეგენდები, საფეხბურთო კლუბები, ექსპერტები, ჟურნალისტები და ზოგადად საზოგადოებისთვის ცნობილი პირები ამაზრზენს და სასაცილოს უწოდებენ გადაწყვეტილებას, რომელიც France Football-მა და Uefa-მ მიიღო!
მადრიდის „რეალი“ არ ცნობს არცერთ ჯილდოს, რომელიც ამ გუნდის მწვრთნელმა ან ფეხბურთელებმა მიიღეს და სამარცხვინოდ მიაჩნია განვითარებული მოვლენები.
ვინისიუს ჟუნიორს ოქროს ბურთის წაართვეს და ამაში ყველა იმანაც დაარწმუნა, რომ მიღებული ქულები საჯარო არ გახდა და შედეგების გამოსაქვეყნებლად France Football-მა დამატებით 2 კვირა ითხოვა.
ვინ რამდენი ქულა მიიღო 9 ნოემბერს გამოქვეყნდება, აქამდე კი იმწუთიერად ქვეყნდებოდა, ეს კი აბსოლუტურად ყველაფერს ნათელს ხდის.
მადრიდული გუნდი ვინისიუს ჟუნიორს აბსოლუტურ მხარდაჭერას და თანადგომას უცხადებს!
ვინისიუს ჟუნიორისთვის ოქროს ბურთი რონალდო ნაზარიოს უნდა გადაეცა და ამისთვის ბრაზილიელი ლეგენდა განსაკუთრებით ემზადებოდა, თუმცა უეცრად გაიგო, რომ სიტუაცია შეიცვალა. დამატებითი განმარტებები, მიზეზები და მოცემულობა არ არსებობდა. „კიჭა“ ღონისძიებაზე საერთოდ აღარ გამოჩენილა.
როდრის ვულოცავთ ამ ჯილდოს და ვაფასებთ მას როგორც დიდ პროფესიონალს, რომელმაც საკუთარი ელფერი შესძინა ფეხბურთს, თუმცა ალბათ უნდა შევთახნდეთ, რომ ოქროს ბურთს ვინისიუს ჟუნიორზე მეტ არცერთი ფეხბურთელი არ იმსახურებდა.
ტონი კროოსი, ფრანკ რიბერი, ლუიშ ფიგუ, ნეიმარი, რონალდო ნაზარიო, რიშარლისონი, კლარენს ზეედორდი, მარსელო, რობერტო კარლოსი, რუდ გულიტი, სხვა ლეგენდები, ასევე „რეალის“ ყველა ფეხბურთელი ღიად აცხადებს, რომ ოქროს ბურთი დაიმსახურა ვინისიუს ჟუნიორმა!
- 29 ოქტომბერი 2024
- 2 244
- 9
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
