ტიბო კურტუა მადრიდის „რეალისთვის“ ძალიან დიდი დანაკლისია, მაგრამ კარლო ანჩელოტი და მისი სამწვრთნელო შტაბი ანდრეი ლუნინს სრულ ნდობას უცხადებს.

მადრიდში ეჭვი არ ეპარებათ, რომ უკრაინელი კარის დარაჯი მოწოდების სიმაღლეზე იდგება და საჭიროების შემთხვევაში, ეფექტური ნახტომებით მოიწონებს თავს.

კურტუა დიდი დანაკლისია, თუმცა ასე იყო შარშანაც, ანდრიემ იმ საოცარი თამაშით ჯერ კეპა არიზაბალაგა დასვა სათადარიგო სკამზე, შემდეგ კი დაუვიწყარი მატჩები ჩაატარა, როგორც ლა ლიგაში, ასევე ჩემპიონთა ლიგაზე და ყველას დაუმტკიცა, რომ უმაღლესი კლასის კიპერია.

ანჩელოტი არ ნერვიულობს, რამდენიმე კვირის წინ მრავალწლიან კონტრაქტთან დაკავშირებით შეთანხმება კი ნათელი მაგალითია იმისა, რომ ლუნინს მადრიდში ავტორიტეტი აქვს.