ის, რომ ანტონიო პინტუსი საკუთარ პროფესიაში მსოფლიოს ერთ-ერთ საუკეთესო სპეციალისტად ითვლება, ეჭვს არ ბადებს, მაგრამ ფაქტია, რომ მადრიდის „რეალის“ ფეხბურთელებს იტალიელთან გარკვეული კითხვები აქვთ.

ამ სეზონში ზოგიერთმა ფეხბურთელმა უკვე ორჯერ მოასწრო დაშავება, რაც გუნდზე საშინლად აისახება.

პინტუსის სიმკაცრის და მომთხოვნი სავარჯიშო მეთოდების შესახებ ყველას კარგად მოეხსენება, სწორედ ამიტომ, ჩნდება ეჭვი, რომლის მიხედვითაც, ფეხბურთელების ტრავმებს, შესაძლოა სწორედ ზედმეტი გადატვირთვა და ვარჯიში იწვევდეს.

მადრიდული გამოცემების ცნობით, ამ საკითხზე ფეხბურთელებმა რამდენჯერმე ისაუბრეს მთავარ მწვრთნელთან.