კურტუა:,,გამარჯვებები გვჭირდება"
ტიბო კურტუამ „დორტმუნდთან“ შეხვედრის წინ პრესკონფერენცია გამართა.
„არ აქვს მნიშვნელობა რა მოხდა „ლილთან“. ჩვენ ვალდებულები ვართ, საშინაო არენაზე მაღალი ხარისხის ფეხბურთი ვაჩვენოთ და 3 ქულა ჩავიწეროთ აქტივში.“
„დიეგო სიმეონეს კომენტარი? ჩოლოს აქედანვე ვეტყოდი, რომ ძალიან დიდ პატივს ვცემ, თუმცა მის განცხადებას არ ვეთანხმები, რომლის მიხედვითაც, „ატლეტიკოს“ ქომაგების პროვოცირება მოვახდინე.“
„დაცვის ხაზის გაძლიერება? ეს ჩემი საქმე არ არის. თუ გუნდის ხელმძღვანელობა საჭიროდ ჩათვლის, ახალ ფეხბურთელებს მოიყვანს.“
„მადრიდულ დერბიზე მეტ კითხვას პასუხს არ გავცემ, მოდით აქცენტი ჩემპიონთა ლიგაზე გავაკეთოთ.“
„ლუნინთან საოცარი ურთიერთობა მაქვს. ვცდილობ, უკრაინელ კიპერს გამოცდილება გავუზიარო, ის „რეალისთვის“ ძალიან მნიშვნელოვანი ფეხბურთელია და შარშანდელ სეზონში არაერთხელ იდგა მოწოდების სიმაღლეზე.“
„ყველა შეხვედრაში მაქსიმალურად ვიხარჯები და ვცდილობ, გუნდის დახმარება შევძლო.“
„ახალი ფორმატის ჩემპიონთ ლიგის პირობებში თითოეულ ქულას ძალიან დიდი მნიშვნელობა აქვს. სწორედ ამიტომ, ბორუსიელები საშინაო არენაზე უნდა დავამარცხოთ და სატურნირო ცხრილში მდგომარეობა გავაუმჯობესოთ.“
„ზაფხულში რამდენიმე მოთამაშე წავიდა და რამდენიმე მოვიდა. ვფიქრობ, ადაპტაციისთვის დრო ყველას სჭირდება. ბოლო წლებში „ბლანკოსი“ არაერთმა ფეხბურთელმა დატოვა, ახალი მოთამაშეები კი საკვანძო ფეხბურთელების სტატუსს ეტაპობრივად იძენენ.“
- 21 ოქტომბერი 2024
- 1 203
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
