ანჩელოტი:„ჩუამენის პოზიციის შეცვლა შეცდომა იყო“
კარლო ანჩელოტიმ „სელტასთან“ დაპირისპირების შემდეგ პრესკონფერენცია გამართა.
„ლუკა მოდრიჩი „რეალის“ ლეგენდაა. ვამაყობ და ჩემთვის დიდი პატივია მასთან მუშაობა. ის, რასაც ხორვატი ფეხბურთელი გუნდისთვის აკეთებს ფასდაუდებელია. აუცილებლად უნდა აღვნიშნო, რომ ნახევარმცველის პასი, რომელიც ვინისიუსს გაუკეთა, საოცარი იყო.“
„ჩუამენის პოზიცია შევუცვალე, მაგრამ ვფიქრობ, ის უნდა დაუბრუნდეს ჩამშლელის პოზიციას. ნახევარდაცვაში ხარვეზები გვქონდა. „ელ კლასიკოში“ ამას არ გავაკეთებ.“
„ბელინგემი ახალ პოზიციაზე ძალიან მომეწონა. არ გამოვრიცხავ, ინგლისელთან დაკავშირებით დამატებითი ზომები მივიღო.“
„ჯუდმა და ვინისიუსმა ერთმანეთს ვერ გაუგეს? ეს სისულელეა. კონკრეტულ მომენტში უკმაყოფილების გამოხატვა თამაშის შემადგენელი ნაწილია. მატჩის ბოლოს ისინი ერთმანეთს ეხუტებოდნენ.“
„200 მატჩი ლა ლიგაში? ეს საამაყო შედეგია. ვეცფრები, ციფრები კიდევ უფრო გავაუმჯობესო და გამარჯვებების კოეფიციენტი კიდეც გავზარდო.“
„კონტრ-შეტევების პრობლემა გვქონდა. ვიგოელებმა რამდენჯერმე სწრაფად იმოქმედეს და სიტუაცია გაამძაფრეს.“
„თუ „ბარსელონასთან“ წავაგებთ, სხვაობა ძალიან გაიზრდება, ამიტომ ეს დაუშვებელია. „რეალი“ ბერნაბეუზე 3 ქულისთვის იბრძოლებს.“
„ახლა ჩემპიონთა ლიგაზე უნდა გადავერთოთ, შემდეგ კი „ელ კლასიკოზე“ ვიფიქროთ.“
- 20 ოქტომბერი 2024
- 1 614
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
