„სელტასთან“ დაპირისპირება კარლო ანჩელოტისთვის ისტორიული გამოდგა. იტალიელმა სპეციალისტმა მადრიდულ გრანდს ლა ლიგაში მეორასედ უთავკაცა. აუცილებლად აღსანიშნავია, რომ მსგავსი შედეგი აქამდე ისტორიაში მხოლოდ 1 ადამიანს აქვს.

ანჩელოტი მართლაც საოცარ ციფრებს აფიქსირებს, პირველ ადგილზე კი მიგელ მუნიოსია, რომელმაც „ბლანკოსს“ შიდა ჩემპიონატში 424-ჯერ უხელმძღვანელა და ფაქტია, რომ ეს შედეგი კიდევ დიდხანს დარჩება ხელშეუხებელი.

ლა ლიგაში ჩატარებული 200 შეხვედრიდან ანჩელოტიმ 143 მოიგო, 33 ფრედ დაასრულა და 24 წააგო.

200 შეხვედრაში „მერენგებმა“ გაიტანეს 485 გოლი და გაუშვეს 176.

ასევე საინტერესოა ერთი სტატისტიკა - მაშინ, როდესაც მიგელ მუნიოსს „რეალის“ თავკაცის რანგში 200 მატჩი ჰქონდა ჩატარებული, მის ანგარიშზე 141 მოგება 29 ფრე და 30 წაგება იყო, რაც იმას ნიშნავს, რომ ამ მხრივ კარლოს შედეგი უკეთესი და ამ ეტაპზე უნიკალურია.