„ლევერკუზენის“ ხელმძღვანელობა ფლორიან ვირცის დათმობას არ აპირებს და თუ გერმანელი მაინც გადაწყვეტს წასვლას, გერმანული კლუბი სარფიან თანხას მიიღებს.

ლონდონის „არსენალი“, მანჩესტერ „იუნაიტედი“, „სიტი“, „ლივერპული“, „რეალი“ და ტურინის „იუვენტუსი“ ვირცისთვის სერიოზულ ბრძოლას აპირებენ, ეს კი ფეხბურთელის ფასს მნიშვნელოვნად ზრდის.

ფლორიანის მიმართ ინტერესი ძალიან დიდია, მადრიდის „რეალს“ კი ამ შემთხვევაში ჩაბი ალონსოს იმედი ექნება.

თუ ბასკი სპეციალისტი ბერნაბეუზე იმუშავებს, ვირცის ახალ პროექტში წაყვანაზე დაყოლიებას აუცილებლად შეძლებს.